Ngjarja e ndodhur gjatë mbrëmjes së shkuar në lagjen “5Maj’ në Elbasan ka qenë e parashikuar më parë. Kjo është të paktën shpjegimi që i ka dhënë djegies së makinës kreu i PS në Elbasan, Xhevahir Budani.
Budani pretendon se nuk ka konflikte që mund të kishin çuar deri në këtë pikë, por nuk përjashton mundësinë se ka ndodhur për shkak të detyrës.
Faktin që djegia e mjetit është kryer vetëm pak kohë pasi ai dhe familja e tij ishin kthyer pas festimeve të datëlindjes së tij të 48-të, e bën edhe më të çuditshme dhe dyshuese. Ai pretendon se është synuar t’i përçohet një mesazh, por pa e ditur konkretisht se çfarë.
