Celta Vigo ka mundur 2-0 Barcelona-n në javën e 36-të të La Liga-s dhe ka bërë një hap të rëndësishëm drejt mbijetesës.
Sfida e luajtur në “Estadio de Balaidos” është vendosur nga golat e Gomez (67′) dhe Aspas (88′, pen). Vendasit kanë shënuar edhe në minutën e 51-të, por goli i Araujo është anuluar për pozicion jashtë loje nga VAR.
Lajmi i keq për trajnerin Valverde, i cili ka lënë pushim shumë lojtarë të formacionit titullar për këtë takim, duke përfshirë edhe Messi-n, ka ardhur në minutën e 6-të të ndeshjes, kur Dembele ka qenë i detyruar të largohet nga fusha për shkak të një dëmtimi në kofshë.
Klubi katalanas ka bërë të ditur në Twitter se francezi do t’i nënshtrohet testeve mjekësorë ditën e nesërme për të kuptuar seriozitetin e dëmtimit.
Katalanasit do të kthehen në fushë të martën në mbrëmje për gjysmëfinalen e kthimit të Champions League kundër Liverpool, që do të zhvillohet në “Anfield”. Spanjollët kanë fituar 3-0 ndeshjen e parë.
