Perditesuar/ Mbyllet takimi
Pa tifozë, pa shumë raste, pa gola. Kjo ka qenë panorama e 90 minutave të sfidës së luajtur në kryeqytet mes Tiranës dhe Skënderbeut. Kthesa erdhi në shtesë. Në të parën e 4 minutave që akordoi gjyqtari, vendasin gjetën rrugën e rrjetës.
Pas një kundërsulmi, Tirana shënoi me Edon Hasanin. Pas golit, ka pasur tensione në tribunën VIP, megjithatë ende mbetet e paqartë se çfarë ka ndodhur.
Me rezultatin 1-0 u mbyll sfida e sotme, me kryeqytetasit që marrin tre pikë të çmuara në luftën për mbijetesë.
***
VIDEO/ E pabesueshme çfarë shpërdoron Skënderbeu! Krasniqi nuk shënon dot pak metra larg portës
Rasti më i mirë i takimit është shënuar në minutën e 78-të me një rast të shpërdoruar nga Skënderbeu në mënyrë gati të pabesueshme.
Pas një krosimi në zonë, portieri i Tiranës nuk arrin të largojë siç duhet topin që mbetet në zonë. Krasniqi me portierin e shtrirë dhe vetëm disa metra larg portës, nuk arrin të shënojë.
***
Tirana – Skënderbeu, mbyllet pjesa e parë. Korçarët e pafat
Paqe në pjesën e parë të Tirana – Skënderbeu. 45 minutat e para janë mbyllur me rezultatin e bardhë 0-0.
Ndeshja ka qenë në ekuilibër me të dyja skuadrat që janë treguar të kujdesshme në mbrojtje. Tirana ka qarkulluar më shumë topin, por pa arritur të krijojë rrezik konkret për portën kundërshtare. Rastin më të mirë e kishte Skënderbeu në nisje të takimit.
Në minutën e 8-të, Alesio Abibi shpëtoi portën nga një gol i sigurt, duke neutralizuar gjuajtjen e Devi Bregut në hyrje të zonës.
Për Tiranën, shansi më i mirë ishte ai në fundin e pjesës së parë, kur bardhë e blutë fituan një goditje dënimi pranë zonës kundërshtare. Por ekzekutimi i Kobinës ishte i dobët dhe qendër, pa problem për portierin Dajsinani.
Skënderbeu sërish i rrezikshëm, por bllokohet Oto Xhon
Vjen rasti i dytë i rrezikshëm i takimit edhe sërish nga Shkërbeu. Në minutën e 33-të, Oton Xhon merr një pasim në hyrje të zonës, por goditja e tij devijohet nga mbajtësi i Tiranës Turtulli në goditje nga këndi.
***
Ndizet sfida/ Skënderbeu kërcënon seriozisht portën e Tiranës
Ka nisur sfida Tirana – Skënderbeu dhe shkëndijat e para i jep skuadra korçare.
Portieri bardhë e blu Alesio Abibi shpëtoi portën nga një gol i sigurt, duke neutralizuar gjuajtjen e Bregut në hyrje të zonës në minutën e 8-të të takimit.
***
Ngo jashtë, Skënderbe sulmues/ Formacionet e Tirana-Skënderbeu
Luhet prej orës 15:00 katër ndeshje të javës së 32-të të Superiores dhe momentalisht janë mësuar formacionet që do të zbresin në fushë në Tiranë. Në kryeqytet ka surprizuar Ardian Mema, që nuk ka preferuar Majkëll Ngo në majë të sulmit.
Prej problemeve në krahun e djathtë të mbrojtjes, zgjidhja është gjetur tek Asion Daja. Ndryshime edhe te Skënderbeu, pasi mungojnë Dita e Radas. Shehi ndërkohë ka menduar që edhe sot të luajë me Oto Xhon dhe Krasniqin në sulm.
TIRANA-SKËNDERBEU
Tirana: Abibi, Daja, Turtulli, Goxha, Hoxhallari, Mauexhe, Kobina, Hasani, Oduamadi, Halili, Sentamu. Trajner: Ardian Mema.
Skënderbeu: Dajsinani, Vangjeli, Kaba Sambou, Pëllumbi, Abazi, Taipi, Sibo, Muzaka, Bregu, Oto Xhon, Krasniqi. Trajner: Orges Shehi.
