“Ta shohin mbrehin lakuriq në një dorë në xhepat e shqiptarëve dhe një dorë në kutinë e votimit”. Kështu e prezantoi kryeministrin Edi Rama, Monika Kryemadhi. Gjatë fjalës së saj në Konventën Kombëtare të LSI-së, kryetarja e Lëvizjes Socialiste për Integrimin u drejtoi një mesazh ndërkombëtarëve të cilët kanë shprehur rezerva për lëvizjen e opozitës për diegjen e mandateve.
“Unë sot po them nëse në një vend të rajonit avionët e drogës do bëhen si autobus në qiell dhe me paratë e tyre do blihen zgjedhjet gjë që u vërtetua nga prokuroria dhe mediat ndërkombëtare, ku drejtorët e inkriminuar të policisë janë në arrati dhe asnjë nuk është arrestuar për mua do ishte më mirë të digjen mandatet e opozitës. Për mua do ishte më mirë që të digjen mandatet e opozitës se sa të kapet drejtësia. Më mirë të digjen mandatet se sa të shkelet Kushtetuta. Për mua do ishte më mirë të digjen mandatet e një opozite se sa të bëhet një shpërfytyrim, përdhunim i shtetit të një vendi”, tha Kryemadhi.
“S’kemi nevojë për stabilokratët, por të rinj e të reja që e duan Shqipërinë”, theksoi ajo.
“Nuk kthehemi më mbrapsht, Shqipëria na ka caktuar detyrën ta mbrojmë, ne jemi shumica, bashke me qytetarët”, u shpreh ajo, teksa më tej theksoi se protestat e opozitës do vazhdojnë derisa Rama, të cilin e quajti “sulltani i krimit” do pranojë se “do ketë zgjedhje të lira e të ndershme”.
“Ta hajë dreqi, po vjedhin edhe lekët e foshnjave të palindura”/ Kryemadhi shpërthen ndaj Ramës
