Klubi i Partizanit ka marrë një lajm që ka tronditur qetësinë brenda grupit vetëm disa orë nga starti i transfertës vlonjate. Kjo pasi Ymer Belica, babai i mbrojtësit Egzon Belica, është ndarë nga jeta pasditen e sotme.
Lajmi u dha nga vetë klubi i kuq nëpërmjet një komunikate në rrjetet sociale, ku shprehën ngushëllimet për ndarjen nga jeta të babait të mbrojtësit.
Kjo ngjarje, përveçse prish atmosferën në klubin e kuq, shton telashet për trajnerin Skënder Gega, i cili tashmë duhet të bëjë llogaritë me një tjetër mungesë, përveç shumë të tjerave për shkak dëmtimi e pezullimi.
Komunikata e klubit të Partizanit:
Titullari i skuadrës Egzon Belica ka humbur një prej njerëzve më të shtrenjtë të familjes. Babai i mbrojtësit të kuq Ymer Belica ka ndërruar jetë gjatë ditës së sotme.
Klubi, drejtuesit dhe ekipi i shprehin ngushëllimet më të sinqerta, dhe bashkohen me dhimbjen e Belicës dhe familjarëve të tij për këtë humbje.
U prehtë në parajsë!
#JemiMeTyEgzon!
