Prej disa vitesh, kryeministri Edi Rama dhe qeveria e tij po i orienton të rinjtë që të mësojnë në shkolla profesionale, pasi siç thotë populli “Zanati s’të lë pa punë”.
Në Gjirokastër, mësuesit, nisur nga deklarimet e qeveritarëve, po i orientojnë nxënësit që të mësojnë shumë, jo për të shërbyer në vendin e tyre por për t’u larguar.
Një kronikë e Radio Televizionit Shqiptar, në Gjirokastër, ka fiksuar në prej mësueseve, e cila duke treguar për përfitimet e shkollës profesionale, shprehet ndër të tjera, se pasi janë përgatitur në shkollën e mesme profesionale “Thoma Papapano”, kanë shkuar në Gjermani.
“Specializohuni, çertifikohuni, rrugët për jashtë i keni të hapura duke qenë se çertifikatat tona janë të vlefshme në Evropë dhe njihen nga Evropa, ja përshembull nga shkolla jonë kanë ikur çuna në Gjermani”, – tha ndër të tjera mësuesja, teksa orientonte nxënësit e klasave të nënta për t’u regjistruar në shkolla profesionale, raporton Dosja.al.
Por kjo që thotë mësuesje dhe që televizioni publik e ka bërë pjesë të kronikës së vet bie ndesh me deklaratat e kryeministrit Rama, i cili thotë se “punë ka, por nuk ka profesionistë”.
Si duket profesionistët po shkollohen në Shqipëri dhe largohen jashtë, pasi oferta është më e mirë sesa kjo që kanë përballë.
