Nënat e reja nuk e ndajnë aparatin, me të cilin fiksojnë çdo moment të fëmijëve. Por një nënë amerikane mbeti e habitur pas shpjegimit që i dha e bija në lidhje me atë që gruas iu duk si një lojë çapkëne.
Stacey Wehrman Feeley, nga Miçigani, e shkrepi këtë foto për t’ia çuar të shoqit. Në të shfaqet vajza e tyre 3-vjeçare, e cila ka hipur mbi WC në shtëpinë e tyre.
Ndërsa ajo përpiqej të mbante ekuilibrin, nëna i shkrepi foton duke menduar se ky ishte një “ushtrim” paksa i vështirë që e bija e kaloi me sukses. Në fakt, arsyeja e vërtetë ishte një ushtrim, por shumë më i vështirë.
Vogëlushja i ka shpjeguar nënës se po praktikonte një ushtrim që e kishte mësuar në kopësht. “Në kopsht na mësojmë si të sillemi nëse dikush i panjohur na hyn në shtëpi”, ka thënë vogëlushja.
“Politikanë të vendit tim, lexoni më poshtë. Pafajësia e fëmijëve tanë po zhduket. Që në këtë moshë dinë sesi duhet të mbrohen nga një njeri i dhunshëm dhe i armatosur. A e kuptoni se këta fëmijë do të jetojnë jetën dhe do të rriten mbi bazën e vendimeve që ju po merrni sot?”, ka shkruar gruaja në “Facebook”.
Ky episod ka shërbyer që ajo të bëhet pjesë e betejës kundër posedimit të armëve të zjarrit në SHBA.
