Nga Boldnews.al
Dy ministrat që Rama mori me vete ne Samitin e Berlinit, futen në rivalitet mes tyre. Kryediplomati ynë Gent Cakaj, që ka nisur aktivitetin politik që 14 vjeç, paraqiti shenja të forta xhelozie.
Në një foto të publikuar prej tij, Cakaj shfaqet pranë Kancelares Angela Merkel dhe kryeministrit Edi Rama. Në shenjën e një adoleshenti në kapërcyell të “pubertetit”, Cakaj e mendoi veten të eklipsuar dhe nga kush??? Vetë ministrja Elisa Spiropali…
Jo pa qëllim Cakaj ka prerë njërën anë të fotos, në krahun e djathtë të saj, ku e përhumbur nën delir duket Elisa. Po këtë Genti nuk e duron, se ajo është e veçantë, është “superpolitikania” që theu çdo servilizëm Rilindas, kur e quajti Ramën Skënderbe.
Oh, oh çfarë rivaliteti kanë ministrat e Ramës. Kryeministri është “burrë shteti” ka futur mes kabinetit të tij frymën e rivalitetit që i nxit që të japin më të mirën.
O Zot sa të lumtur ishin munistrushat e Ramës kur panë Kancelaren Merkel… Të dy nisën histerizmin, hidh foto e nxirr statuse. Kush e kush të dukej më shumë, rivalitet se kush do bënte statusin më të veçantë. Por Genti kryediplomat me autorizim, u tregua edhe më “minor” kur ja preu fytyrën Elisës, duke e fshirë nga foto me Merkelin.
Nuk dihet nëse gjesti i tij do idhnojë Elisën. Sepse ajo mund të mbajë qëndrim, ka treguar se kur ja prishin imazhin s’të flet me gojë. Kjo është një çështje “serioze” brenda Rilindjes. Për këtë rast mund të “mblidhet” edhe grupi parlamentar i PS-së. Nuk përjashtohet mundësia që në këtë rivalitet të ndërhyjë vetë kryeministri. Ashtu si një mësues kujdestar që pajton dy “adoleshentët” gjimnazistë.
