Një shqiptar ka humbur jetën pas plagosjes me armë zjarri në Gjermani, raportuan këtë të martë mediat lokale.
Viktima është 36 vjeç, dhe vetëm mosha dhe origjina shqiptare është ajo që bëhen të ditur nga mediat gjermane, pa raportuar për gjeneralitet.
Sipas të njëjtave burime: Ngjarja ndodhi mbrëmjen e së dielës, rreth orës 21 në lagjen Gathe në qytetin gjerman Wuppertal. Sipas një rindërtimi paraprak të ngjarjes, 36-vjeçari ishte në një makinë tip “BMW” e zezë, kur nga një tjetër automjet në lëvizje u qëllua drejt tij me armë zjarri.
Një grup hetimor është ngritur nga autoritet ligjzbatuese gjermane për të zbardhur shkaqet dhe motive e ngjarjes për të cilën mediat lokale kanë ngritur alarmin e cënimit të sigurisë publike.
Raportohet se në vendngjarje janë gjetur disa gëzhoja por ende asnjë provë e fortë që mund të çojë në identifikimin e autorëve të mundshëm të krimit. /BoldNews/
