Një sasi prej 10 kilogramë kanabis u sekuestrua nga policia e Gjirokastrës dhe dy persona u vunë në pranga për prodhim dhe shitje droge.
“Shërbimet e Policisë Sarandë, në vijim të punës për parandalimin e shitjes së lëndëve narkotike, dyshuar për qëllime trafikimi, falë edhe informacionit të marrë nga qytetarët, kanë organizuar punën ku kanë bërë të mundur bllokimin e një automjeti të dyshimtë në fshatin Mursi të Konispolit. Pas kontrollit të ushtruar në automjet, policia gjeti dhe sekuestroi 10 kg lëndë narkotike të dyshuar cannabis sativa”, njoftoi policia.
“Menjëherë iu bë arrestimi në flagrancë i drejtuesit të mjetit, shtetasit L.K., 53 vjeç, dhe shtetasit tjetër shoqërues J.Sh., 31 vjeç, të dy me banim në Gjirokastër. Materialet iu referuan Prokurorisë në ngarkim të tyre për veprën penale ‘Prodhim dhe shitje të lëndëve narkotike’ kryer në bashkëpunim”, shtuan të njëjtat burime.
