Skënder Hoxha ka pranuar se ka vrarë bashkëshorten. Fillimisht ai mohoi që të ishte autori i vrasjes, por pas disa orësh në pyetje në komisariatin e Policisë, Skënder Hoxha është dorëzuar duke pranuar krimin.
Ndërkohë, policia njoftoi arrestimin e 63-vjeçarit: “Pas njoftimit të marrë se shtetasja A.H., banuese në fshatin Vagalat, Bashkia Memaliaj, u gjet nga familjarët e pajetë në banesë, me dëmtime në kokë, menjëherë u ngrit grupi hetimor ku në bashkëpunim Prokurorinë kryen veprimet e para procedurale. Në përfundim të veprimeve të para hetimore, Specialistët e Stacionit të Policisë Memaliaj nën drejtimin e Prokurorisë së Rrethit Gjyqësor Gjirokastër bënë arrestimi në flagrancë të shtetasit S.H., 63 vjeç, i cili ka vrarë bashkëshorten e tij, shtetasen A.H., 53 vjeçe. Materialet i kaluan Prokurorisë për hetime të mëtejshme”.
***
Dyshimet për vrasje, Fqinji zbulon dëshminë e të shoqit: Mos e kapni gruan me dorë se e kanë vrarë… (VIDEO)
Antoneta Hoxha, 53-vjeçarja e cila u gjet e pajetë dhe me shenja dhune orët e para të mëngjesit të sotëm në fshatin Vagalat në Gjirokastër, dyshohet se është vrarë. Skënder Hoxha, bashkëshorti i viktimës është shoqëruar nga policia dhe po pyetet nga grupi hetimor.
Një fqinj i çiftit, tregoi se Skënder Hoxha i kishte thënë se të shoqen e kishin vrarë.
Hodo Hoxha, kryeplaku i fshatit tha për mediat se në orën 04:00 ka shkuar në banesën e çiftit bashkë me fqinjët e tjerë ku ka parë gruan të mbuluar me gjak, ndërsa burri u ka thënë që të mos e prekin se e kanë vrarë.
“U ngritrëm shkuam dhe e pamë, e kishte mbuluar gjaku. Mos e kapni me dorë tha (burri) se e kanë vrarë. Nuk e di a e ka vrarë ai. Nuk kishin probleme më parë. Kemi hyrje dalje, ishin të qetë. Çifti ka një djalë dhe tre vajza, të cilat i ka martuar, dy janë në Greqi dhe njëra në Tiranë. Kur erdha unë në orën 04:00 ishte mbuluar në gjak, e çarë në kokë”, tha ai.
***
Gjendet e pajetë një grua në Memaliaj (EMRI)
Një ngjarje e rëndë raportohet të ketë ndodhur në Fshatin Vagalat të Memaliajt, ku trupi i një gruaje është gjetur i pajetë.
53-vjeçarja Antoneta Hoxha është gjetur e pajetë nga ana e familjarëve, me dëmtime në kokë dhe në krahun e majtë.
Në vendngjarje po shkon grupi hetimor, për të hetuar shkaqet e kësaj ngjarjeje të rëndë.
