Blerim Krasniqi ka qenë padyshim protagonist kryesor i fitores së Skënderbeut ndaj Flamurtarit. Sulmuesi shënoi një gol të shkëlqyer përballë vlonjateve e më pas fitoi edhe penalltinë që çoi shifrat në 2-0 dhe vulosi fatin e sfidës.
“Është kënaqësi e veçantë kur behsh lojtari i ndeshjes. Më e rëndësishme është fitoja se na ka munguar, na kanë munguar pikët, kjo është e pafalshme. Gjithmonë sulmuesi matet me gola, shpresojmë të shënojmë sa më shumë gola e të japim maksimumin për ekipin”, u shpreh për RTSH futbollisti i cili duket se ka filluar të përfshihet më mirë në skemat e lojës të skuadrës korçare.
Gjithsesi, ai mendon se eksperimenti i fundit i trajnerit Orges Shehi, me kalimin e skemës në 4-4-2, është më funksional për mënyrën se si sulmohet porta kundërshtare dhe do të dëshironte të vazhdonte kështu edhe në vijim. “Është e vërtetë, me dy sulmues ndjehem më mirë, jemi më afër portës dhe mbrojtësit ndjejnë presion se jemi dy, është edhe më e lehtë për mua”, deklaroi Krasniqi.
