Borxhi që ka Shqipëria sot është 8.6 miliardë euro. Kështu u shpreh ish-zv.ministrja e Financave, Irena Beqiraj, e cila shtoi se financat shqiptare janë nën kontroll, por ky është një vit sfide.
Në “A shoë”, Beqiraj theksoi se ekonomia shqiptare nuk është lider, por varet shumë nga ecuria e ekonomive të vendeve që ne kemi shkëmbime si Greqia, Italia etj.
“PPP kanë ndërtuar Britaninë e Madhe, Kanadanë dhe po përdoren edhe në SHBA. Janë një formë e sofistikuar, por qeveria duhet të tregohet më e kujdesshme.
Ne nuk kemi njohuritë brenda administratës për të bërë studimet e fisibilitetit për të bërë ndarjen mes shtetit dhe privatit”, tha Beqiraj.
Duke folur për raportet mes saj dhe ministrave Cani dhe Ahmetaj, Beqiraj vlerësoi periudhën e bashkëpunimit me Shkëlqim Canin duke e cilësuar si profesionale, ndërsa atë me Arben Ahmetaj e përkufizoi të tillë që “kur ai ikte nga ministria unë hyja, ose anasjelltas kur hyja unë, ikte ai”.
