Alketa Vejsiu ndërmori një nismë për të ndihmuar Xheision Baftin, vogëlushin e njohur si “Taramelja”. Por kjo nismë nuk u prit mirë nga të gjithë, ndërsa në rrjet shpërthyen komentet mbi atë pse moderatorja po bënte publike nismën e saj.
Disa e mbështetën moderatoren, por të tjerë komentuan se nuk ka gjetur mënyrën e duhur për ta ndihmuar.
Me të filluar “Piter Pan”, mbrëmjen e sotme, Alketa me një fjalim emocionues, duke u përlotur rrëfeu momente nga fëmijëria e saj.
“Unë kam jetuar në një shtëpi që fuste ujë, u rrita me besimin dhe dëshirën e madhe për të bërë dicka të mirë për jetën time, punova edhe ja dola.
Kam dëgjuar nga të gjitha dhe nuk e kuptoj pse ky reagim, ne jemi nisur nga një gjë shumë e mirë”, u shpreh Alketa me lot në sy.
