Kryeministri Edi Rama zhvilloi një takim dypalësh me Kancelaren e Republikës Federale te Gjermanisë Angela Merkel.
DW shkruan se qarqet diplomatike nga Berlini rikonfirmojnë se Franca nuk dëshiron ta zërë fare në gojë çështjen e zgjerimit të BE-se në prag të zgjedhjeve për Parlamentin Evropian, që do të mbahen në fund të majit.
Sipas DW, e cila citon burime diplomatike, Merkel megjithatë nuk mund të marrë asnjë vendim pa miratimin e Bundestagut. Siç mësohet më tej nga qarqet politike pranë CDU-së, afati kohor që nga publikimi i raportit të progresit të BE-së, më 29 maj deri në samitin e BE-së në qershor nuk mjafton për të marrë një vendim për çeljen e negociatave. Burime nga CDU/CSU i thanë Dw-së vendimi i tyre do të shtyhet në shtator.
