Procedohen penalisht 2 shtetas në Pogradec, për veprën penale “Organizimi i lotarive të palejuara”.
Policia njoftoi se, specialistët e Seksionit për Krimet, në Komisariatin e Policisë Pogradec, në vijim të punës për vënien përballë përgjegjësisë ligjore të shtetasve të cilët organizojnë lotari të palejuara, filluan procedimin penal në gjendje të lirë ndaj shtetasve:
G.L. dhe K.C., banues në Pogradec.
Gjatë kontrolleve që shërbimet e Policisë, kanë ushtruar në lokalet e këtyre shtetasve konkretisht në lagjet nr 1 dhe 2 në Pogradec, janë gjetur e sekuestruar në cilësinë e provës materiale tre aparate celulare, të cilët dyshohet se përdoreshin nga shtetasit e mësipërm për vënien e basteve sportive.
Materialet i kaluan Prokurorisë të Rrethit Gjyqësor Pogradec për veprime të mëtejshme.
