Kryeministri Edi Rama ka zyrtarizuar kandidatin e PS-së për Elbasanin, për zgjedhjet lokale. Gjatë një takimi në Elbasan me militantë të PS-së në kuadër të “Bashkia që duam”, Rama zbuloi për këtë Bashki do të kandidojë Gledian Llatja dhe jo më Qazim Sejdini, i cili nën siglën e PS-së drejton prej vitesh Bashkinë Elbasan.
Qazim Sejdini ka drejtuar Bashkinë Elbasan prej 3 mandatesh të njëpasnjëshme. Sejdini, i njohur në qytet dhe si “Lala”, është akuzuar për lidhje me bandat kriminale. Familjarë të tij janë akuzuar akuzuar dhe hetuar nga autoritet ligjzbatuese për vepra kriminale.
Dosja/ Bosët e Elbasanit nën hetim, mes tyre dhe familja e Sejdinit
Ndërkohë, kandidimi i Gentian Llatjes për Bashkinë Elbasan është paralajmëruar më herët. Llatja, prefekt i Qarkut Elbasan, është mbështetur publikisht nga Taulant Balla, kryetari i grupit parlamentar të PS-së, dhe deputet i këtij qarku.
https://boldnews.al/2019/01/16/operacioni-makijazhi-rama-kerkon-te-zbrese-nga-froni-lalen-e-elbasanit/
Gledian Llatja, ishte i fundit i një liste të gjatë kandidatësh që janë prezantuar si kandidatë të Partisë Socialiste ditët e fundit. Kjo vjen në një kohë kur opozita kërkon largimin e kryeministrit Edi Rama. Kryetari i PD-së Lulzim Basha është shprehur se largimi i Ramës dhe krijimi i një qeverie tranzitore për garantimin e zgjedhje të lira e të ndershme është një kusht i “panegociueshëm”.
“Nuk do të ketë zgjedhje pa opozitën në 30 qershor”, artikuloi qartë Bashë pasditen e enjtes nga protesta në Milot. Ndërkohë, Rama është shprehur se zgjedhjet lokale do të zhvillohen në 30 qershor, datën e dekretuar nga Presidenti. /bn/
