Dikur deputet i PS-së, sot kundërshtar i partisë nga e cila e përjashtoi Edi Rama… Ish-deputeti socialist Eduart Ndocaj është regjistruar si kandidat për Bashkinë e Lezhës në zgjedhjet lokale.
Ndocaj do të garojë nën siglën e Partisë Aleanca Demokristiane, e cila ka vendosur të dalë e vetme në zgjedhje.
Në një deklaratë për mediat, Eduart Ndocaj tha se keqmenaxhimi i Bashkisë Lezhë përgjatë 28 viteve e ka nxitur që të kandiojë.
Ndërsa është shprehur i bindur se me 30 qershor do të ketë zgjedhje dhe qytetaret do të reagojnë me votë për ti dhënë fund situates së deritanishme.
Ndërkohë dhe Partia Socialiste ka konfirmuar Pjerin Ndreu si kandidat për Bashkinë Lezhë, ndërsa opozita e bashkuar nuk është regjistruar për zgjedhjet vendore të 30-qershorit.
