Reklamimi i pijeve alkoolike në çfarë do lloj forme është i ndaluar me ligj në vendin tonë, veçanërisht në ambientet publike të cilat frekuentohet nga të miturit.
Por edhe në këtë rast si dhe në shumë raste të tjera lali Eri vepron si Maliqi (Ligji në dorën e Maliqit vepron si të dojë), pasi ai vetëm pak kohë pasi e shpalli Sheshin ‘Skënderbej’ si ‘hapësirë mjedisore veçanërisht për fëmijët dhe adoleshentët) tani reklamon pijet alkoolike.
Faqja satirike ‘Lolita.’ ka publikuar edhe ligjijn i cili ndalon në mënyrë kategorike reklamimin e pijeve alkoolike, ndërsa bën edhe një pyetje mjaft të drejtë, po me lali Erin a do të veprojnë njëlloj policët bashkiakë si me qytetarët e thjeshtë të këtij vendi, a do ta gjobisin për shkelje të ligjit dhe të drejtave të fëmijëve?
Ja postimi i Lolitës:
Siç e shikoni në foton e parë, në mes të Sheshit Skënderbej është vënë një reklamë alkooli…që mund ta shohë edhe lali Eri nga dritarja e zyrës!
Kujtoj Lalin që në 2018-ën, kur vuri internetin ne shesh dhe e shpalli atë “hapësirë miqësore veçanërisht për fëmijët dhe adoleshentët” duke u bërë thirrje të vijnë e ta kalojnë kohën e lirë në shesh.
Sipas Ligjit Nr. 9518, datë 18.4.2006 PËR MBROJTJEN E TË MITURVE NGA PËRDORIMI I ALKOOLIT, (Neni 14) Policia Bashkiake e Lalit duhet ta ndalojë dhe t’i vëjë gjobë (Neni 11 pika 5) 200.000 lekë te reja nga rroga prej 174.760 lekësh e Lalit!
Por a do t’i vënë gjobë Lalit policët e lalit, apo janë të zënë duke u fshehur në cepa pallatesh per të kapur me “presh në dorë” apo me spinaq plakat e fshatrave të Tiranës?
Ja çfarë thoshte Lali në 2018-ën në faqen e Bashkisë ku u bën thirrje adoleshentëve dhe fëmijëve të frekuentojnë zonën ku sot ndodhet reklama e alkolit:
“Duam të targetojmë çdo moshë, ndaj na vjen mirë që ka fëmijë që mësojnë biçikletën në shesh, na vjen mirë që të rinjtë vijnë për koncerte këtu, na vjen mirë kur të moshuarit zënë një hije dhe bëjnë bisedat e tyre, por duam çdo grupmoshë, sidomos adoleshentët, që ta përdorin internetin dhe teknologjinë në natyrë. Ndaj, edhe ata që thonë se rrinë në shtëpi sepse aty kanë internet, s’është e vërtetë sepse tani ka internet edhe në shesh”, tha Veliaj (ëëë.tirana.al)
Neni 3
Reklama e pijeve alkoolike
Konsiderohet reklamë e pijeve alkoolike çdo formë komunikimi, udhëzimi apo veprimi tregtar i ngjashëm me to dhe që në mënyrë të drejtpërdrejtë ose jo ndikon në nxitjen e përdorimit të alkoolit.
Neni 10
Reklamat e pijeve alkoolike
- Ndalohet çdo formë reklame e pijeve alkoolike që u drejtohet të miturve.
Neni 11
Kundërvajtjet administrative
- Reklamimi drejtpërdrejt ose tërthorazi i pijeve alkoolike drejtuar të miturve në të gjitha mjediset e tjera, përjashtuar ato arsimore, si rrugë, parqe etj., përbën kundërvajtje administrative dhe dënohet me gjobë nga 100 mijë deri në 200 mijë lekë.
Neni 14
- Për zbatimin e nenit 11 pikat 1, 2, 3 dhe 4 ngarkohet Inspektorati Sanitar Shëndetësor.
- Për zbatimin e nenit 11 pika 5 ngarkohet policia bashkiake.
