Për rreth një orë, prej orës 18:00 opozita bllokoi pesë akset kryesore që lidhin jugun e veriun me kryeqytetin, në shenjë proteste.
Në Tiranë u bllokua rrethrrotullimi tek sheshi “Shqiponja”. Në veri u bllokua kryqëzimi i Milotit ku ishte i pranishëm dhe kryetari i Partisë Demokratike Lulzim Basha. Protestuesit e Elbasanit dhe juglindjes bllokuan lëvizjen e automjeteve në rethrrotullimin e Bradasheshit. Ndërsa në Durrës, ku ishte e pranishme kryetarja e Lëvizjes Socialiste për Integrim u bllokua autostrada Plepa-Kavajë përballë shtëpisë së pushimit të Ushtrisë. Në jug mbështetësit e opozitës bllokuan rrethrrotullimin e Shelqit, Fier.
Gjatë kësaj proteste nuk u shënuan incidente madhore përveç djegjes së projektit “Unaza e Re” tek sheshi “Shqiponja”, djegjes së disa gomave në Elbasan dhe ndezja e disa flakadanëve në Durrës.
