Nga Boldnews.al
Sali Berisha mbetet një dele e zezë jo vetëm për kryeministrin Edi Rama, për të cilin shumëçka që nuk shkon mbroth “fajin e ka Saliu”, por edhe për Ministrin Sandër Lleshaj dhe Policinë e Shtetit.
Nga foltorja e Kuvendit, ministri i Brendshëm mbajti një fjalim rreth 11 minuta, tematikën e së cilit e ndau në pjesë. Në gjysmën e parë foli për projektligjin për Policinë Gjyqësore, ndërsa gjysmën tjetër të kohës e shfrytëzoi për të sulmuar kundërshtarët politike.
Fillimisht e quajti një turp, protestën e sotme të të rinjve para parlamentit, që u rebeluan për faktin se shqiptarët po ikin nga Atdheu për mungesën e bukës dhe shpresës. Më tej, opozitën që kërkon zgjedhje të lira e quajti “grup paramilitar”. Ndërsa pjesën më të madhe të fjalimit sulmues, gjenerali ia kushtoi ish-kryeministrit Sali Berisha, i cili denoncon periodikisht ngjarjet kriminale pa autorë dhe ato që fsheh policia për të ruajtur një imazh të mirë.
Sali Berisha në fakt, mbetet një sirenë alarmi për Ramën, Lleshajn dhe Policisë e Shtetit, që monitoron vazhdimisht denoncimet që ish-kryeministri bën përmes faqen së tij në Facebook.
Situata u bë aq acaruese sa rreth një muaj më parë, Policia e kërcënoi me padi.
Megjithatë, momentet kur Berisha është kthyer në armik të Policisë dhe propagandës së saj, që tetë qytetarët të vrarë i klasifikon një vrasje për statistikë dhe në fund të vitit raporton se numri është ulur, janë të shumta.
Një prej tyre është ajo e rreth tetë muaj më parë, kur ish-kryeministri shpërndante një video në faqen e tij në Facebook. Në pamje dukeshin dy persona të cilët shtynin një furgon policie te rreth-rrotullimi i Saukut. “Piktori dështak me Fatziun e tij vetë lëvizin me çarter dhe helikopterë kurse policisë i kane lenë karrocën e Dylit”, ironizonte Berisha.
Drejtuesit, siç treguan burime konfidenciale nga policia, dhanë urdhër të prerë për të gjetur targën e furgonit në fjalë, që i prishi reputacionin Policisë.
Asokohe, ministër i Brendshëm ishte Fatmir Xhafaj, megjithatë edhe pse krerët e ministrisë ndryshojnë, armiku ka vetëm një emër: Sali Berisha.
