Bindja Demokratike është një produkt bio shqiptar.
Kështu u shpreh Astrit Patozi mbrëmjen e sotme, duke shtuar se ka marrë një lloj mbështetjeje nga faktori ndërkombëtar lidhur me atë që ata kërkonin parti që do të merrnin pjesë në zgjedhje.
Patozi tha se Bindja është e ndryshme nga partitë e deritanishme, të cilat janë krijuar dhe më pas janë bashkuar me partinë mëmë.
I pyetur sepse nuk ka pasur mbështetje nga Majlinda Bregu, Jozefina Topalli apo Arben Imami, Patozi tha se për këtë duhen pyetur ata.
“Unë kam pasur bisedime, jam takuar me ta, por secili e di vetë se çfarë bën.
Ne s’jemi krijuar si parti e demokratëve të inatosur, por si alternativë. Ne e konsiderojmë se qeveria është më shumë përgjegjëse, por edhe opozita ka përgjegjësinë e saj.
Më 30 qershor nuk ka për të ndodhur asnjë lloj katastrofe, pasi koshienca politike e shqiptarëve, që nuk janë të lirë të zgjedhin, kjo gjë ka sjellë diçka, që njerëzit nuk janë të prirur t’i kthehen 1997. Askush nuk mund t’i ndalojë tjetrit të votojë, pasi kjo është dhunë, nuk është demokraci”, tha Patozi.
