Aktori amerikan Ken Kercheval ka ndërruar jetë në moshën 83-vjeçare, raportuan këtë të martë mediat ndërkombëtare.
Sipas të njëjtave burime, veterani i Hollivudit i cili ka luajtur shumë role në filmat e prodhuar në vitet ’60, ’70, ’80, ‘90, u shua të dielën në mbrëmje.
Ken Kercheval lindi më 15 korrik 1935, në Wolcottville, Indiana.
Kercheval numëron role në filma si “Dallas”, “Naked City”, “The Defenders”, “The Nurses as Mac” “The Trials of O’Brien”, “Hawk”, “An Enemy of the People”, “Pretty Poison”, Cover Me Babe”, etj.
Në vitin 1994, ai u diagnostikua me kancer. /bn/
