Prej 30 vitesh qytetarët dhe politikanët në Shqipërië kanë një diferencë të madhe mes tyre, aq sa këtyre të fundit shpesh herë ju duket vetja sikur janë ‘perëndi’.
Madje ka dhe nga ata që kur ecin në rrugë apo ‘hipin’ ndonjëherë në mjetet e transportit publik, ju duket sikur kanë bërë mrekulli, pasi nuk e dinë që ne njerëzorët (qytetarët e thjeshtë të këtij vendi autobusët i kemi mjete të përditshme).
Një prej politikanëve shqiptarë (Nëse mund të quhet i tillë, pasi nuk ka qenë kurrë në Kuvend), Arjan Galdini, ka nxituar të bëjë një status në facebook, ku tregon madhështinë e tij, pasi një qytetar qenka habitur se si një politikan kaq i madh mund të hipë në autobus.
Ja postimi i Galdinit:
Si çdo ditë, në mëngjes mora autobuzin e Porcelanit për në Qendër.
Udhëtoj me autobuz dhe lëviz shumë në këmbë sepse më pëlqen kjo zgjedhje dhe kjo liri.
Ndërsa fatorino po vinte për biletat ngase kishte shumë njerëz padashje shtyva më tepër se duhet një zotëri që ishte ulur pas shpinës sime.
Kthej kokën që ti kërkoj ndjesë dhe ai më sheh në sy e më pyet: Galdini?
Po, i përgjigjem unë.
Nuk e kisha menduar se do të të takoja kështu, vijoi ai.
Po pse – e pyeta unë – si e kishe menduar?
Nuk e di, tha, nuk e di. Jo kështu, jo kaq thjeshtë, jo në autobuz.
Buzëqesha.
Epo ja, kështu jam unë, i thashë qetësisht. Studentët e mij, vijnë nê Universitet me makina të reja e luksoze me kilometrazh zero. Ndërsa unë pëlqej autobuzin. Jo se nuk mundem ta blej makinën. Porse më pëlqen autobuzi dhe ecja në këmbë. Nuk e bëj as për tu shtirur a dukur si i thjeshtë. Jam i thjeshtê dhe e pëlqej thjeshtësinë.
Jemi mësuar me politikanë arrogantē, të paprekshëm, mospërfillës dhe sesi mu duk që të takova në autobuz, shkoi më tej ai.
Epo une e besoj dhe e mendoj ndryshe politikën. Nuk e shoh as si fuqi e as si dominim politikën. E shoh si shërbim dhe aspiratë. Prandaj më pëlqen thjeshtësia sepse vetëm kështu i mbaj të forta lidhjet me qytetarin brenda meje dhe qytetarët rreth meje.
Ne nuk e dimë se cila ka qenë ideja e Galdinit kur ka tentuar të tregojë këtë ‘Masturbim intelektual në autobus’, por dimë që politikanë shumë herë më më peshë se Galdini hipin çdo ditë në autobusë, tramvaj apo dhe në tren për të shkuar në punë, dhe askush prej tyre nuk bën statuse të tilla.
