Ministri i Financave të Pakistanit, Asad Umar, ka deklaruar se ai do të japë dorëheqjen, mes kritikave në rritje mbi politikave të tij ekonomike.
Umar vendimin e tij e njoftoi në llogarinë e tij në Tëitter. Ai gjatë kohë është kritikuar ashpër nga partitë opozitare për “politikat e tij të dobëta ekonomike”, që kanë rezultuar me një inflacion rekord dhe rritje çmimesh në muajt e fundit.
“Si pjesë e riorganizimit të kabinetit, kryeministri dëshironte që unë të merrja portofolin e Ministrisë së Energjisë në vend të Financave. Sidoqoftë, kam marrë pëlqimin e tij për të mos marrë asnjë pozitë kabineti. Unë fuqishëm besoj se Imran Khan është shpresa më e mirë për Pakistanin dhe insha’Allah do të ndërtojë një Pakistan të ri”, tha Umar.
Njoftimi i tij erdhi në një kohë kur Pakistani po kërkon një “paketë shpëtimi” nga Fondi Monetar Ndërkombëtar (FMN) për të mbështetur ekonominë e dobët të vendit, kryesisht rezervat valutore.
Megjithatë, nuk është e qartë nëse Umar ka dorëzuar zyrtarisht dorëheqjen dhe nëse e njëjta është pranuar.
Një burim i qeverisë për AA tha se Shaukat Tareen, një ish-ministër i Financave, pritet të emërohet si këshilltar i financave i kryeministrit, një portofol ekuivalent me ministrin e financave.
Për të forcuar rezervat e saj në rënie të valutës Pakistani kohët e fundit ka marrë paketa të ndihmës dhe kredi në vlerë prej 14 miliardë dollarë nga aleatët e saj të vjetër, Arabia Saudite, Emiratet e Bashkuara Arabe dhe Kina.
