Dy dasma të mëdha do të ndodhin në Gostivar gjatë muajit korrik. Sulmuesi Admir Mehmedi, që luan me kombëtaren e Zvicrës, dhe mbrojtësi Shkodran Mustafi, i cili luan me Gjermaninë, kanë vendosur që t’i japin fund beqarisë, menjëherë pas përfundimit të Kampionatit Europian, që po luhet në Francë.
Burimet tona bëjnë me dije se të dy kanë caktuar dasmat e tyre në një prej restoranteve më luksoze në Gostivar. Mehmedi e ka caktuar ditën e dasmës më 17 korrik, kurse një javë më vonë (24 korrik) është fiksuar dasma e Mustafit. E dashura e Shkodran Mustafit është nga Struga, kurse ajo e Admir Mehmedit nga Gostivari. Pritet që në dasmat e tyre të marrin pjesë mysafirë të shumtë, mes tyre edhe emra të njohur nga fusha e sportit.
