Një marrëveshje me Rusinë “do të ishte diçka e shkëlqyer, që do të kishte pasoja pozitive në të gjithë botën”.
Një gjë të tillë e ka thënë gjatë një interviste për Corriere della Sera kandidati republikan për Shtëpinë e Bardhë Donald Trump.
I cili theksoi se SHBA-të dhe Rusia duhet t’i bashkojnë forcat për ta mposhtur Isis-in: “Besoj se do të ishte shumë e dobishme nëse koordinohemi për të arritur këtë objektiv të përbashkët”.
Pikërisht për këtë arsye, Trump shpjegoi se nuk do ta kishte aspak problem ta ftonte presidentin rus Vladimir Putin në Uashington.
