Partia Socialiste ka mbledhur mëngjesin e sotëm grupin parlamentar dhe ajo që ka rënë në sy ka qenë mungesa e kryeministrit Edi Rama. Mbledhjen e grupit në mungesë të Ramës e ka drejtuar Taulant Balla.
Burime mediatike kanë bërë me dije se Partia Socialiste do të thërrasë javën e parë të majit, Asamblenë e PS. Në këtë mbledhje pritet të diskutohen dhe kadidatët e lënë pezull për zgjedhjet lokale, që janë parashikuar të mbahen në 30 Qershor.
Në mbledhjen e grupit, Fino kërkoi uljen e pagave për policinë gjyqësore, pasi sipas tij ata paguhen edhe më shumë se presidenti i vendit.
Kërkesa e Finos nuk u pranua nga antarët e tjerë të grupi. Po ashtu bëhet me dije se nesër do të ketë një mbledhje të Kryesisë ku do të diskutohet për çështjet zgjedhore.
Duket se socialistët janë të vendosur në organizimin e zgjedhjeve lokale edhe pa opozitën, që ditën e sotme po nënshkruan një koalicion me partitë e tjera, ku zotohen të mos hyjnë në zgjedhje pa u plotësuar kushtet për liri dhe të drejta të barabarta.
