Me humor dhe qesëndi në të njëjtën kohë, thuhet se biondet janë pak… budallaqe. Legjenda urbane e ushqyer nga barcaletat me bionde që në fakt nuk janë të pakta, të duken përnjëmend të vërteta teksa dëgjon të flasë Joleza. Po, Joleza, ish-kryetarja e FRESH-it e cila ishte e ftuar mbrëmjen e sotme në emisionin “A Show” në News 24.
Në një moment, drejtuesi i emisionit Adi Krasta, e pyeti Jolezën lidhur me lajmet që kanë qarkulluar së fundmi në rubrikën rozë të mediave se ajo është “në pritje të ëmbël”.
Pikërisht këto fjalë përdori edhe gazetari teksa me finesë i drejtoi pyetjen: A jeni ju në një pritje të ëmbël?
Por për Jolezën, pyetja ishte shumë e komplikuar…
Duke mos kuptuar se për çfarë e kishte fjalën Krsta, ajo iu kundërpërgjigj: Ku konsiston pyetja?
Këtë herë, Krasta zgjodhi fjalë më të thjeshta: Do bësh një beb?
“Jo”, u përgjigj Joleza, që këtë herë e kuptoi më së miri pyetjen, duke përgënjeshtruar kështu edhe raportimet se ajo është në pritje të një fëmije. /Boldnews/
