Sistemi VAR, i cili i jep mundësi arbitrave të këqyrin pamjet video për momentet e diskutueshme të lojës, ishte një prej investimeve më të mëdha në burime njerëzore dhe financiare në futbollin modern. Por, nga Brazili vjen episodi që zhbën gjithçka të realizuar deri më tani.
Kjo ndodhi në Kampionatin shtetëror Katarinens, kur VAR duhej të përdorej edhe në lotarinë e penalltive, që do të përcaktonte fituesin e finales dhe titullin kampion. Bazuar në imazhet filmike, arbitri duhej të vendoste nëse topi e kishte kaluar vijën e portës. Edhe pse pamjet tregojnë që Chapecoense shënoi, goli u cilësua i parregullt dhe titulli u fitua nga rivalët e Avai-t. Polemika vazhdon me klubin e Chapecoenses që pretendon anulimin dhe përsëritjen e penalltive për gabim teknik.
