Pak minuta më parë një ngjarje e rëndë ka ndodhur në fshatin Mëzez të Tiranës, ku 26 vjeari Elson Murataj, ngeli i plagosur.
Burime kanë bërë me dije se kanë qenë banorët ata që kanë njoftuar policinë, ndërsa 26 vjeari mësohet të jetë jashtë rrezikut për jetën. Ai ka marrë një plumb në këmbë.
Ndër të tjera mësohet se Elson Murataj, nuk është një emër i panjohur për policinë, në vitin 2012 ai është akuzuar se ka plagosur me armë zjarri shtetasin A.Harokun, plagosje e cila kishte ndodhur pa dashje.
Ndërsa në vitin 2013 ai është arrestuar për armëmbajtje pa leje. Në 2014 ai është ndaluar sërish nga policia , pasi ka qenë duke drejtuar automjetin pa leje drejtimi.
“Rreth orës 18:35, ka shkuar për ndihmë mjekësore në spital shtetasi E. M., 26 vjeç, jashtë rrezikut për jetën, i cili është plagosur në këmbë me armë zjarri, në rrethana ende të paqarta në rrugën “Asdreni” në Fushë Mëzez, Kashar. Shërbimet e policisë po punojnë për zbardhjen e rrethanave të ngjarjes, identifikimin dhe kapjen e autorit/ve”, bën me dije Policia.
