Ish-ministri godet fort: Rama si Ramizi, do të zhvillojë zgjedhje fasadë, por …

Ish-ministri i drejtësisë, Ylli Manjani, ka bërë një paralelizëm të situatës politike në vitin 1991 dhe kohën e sotme.

Manjani shkruan se ashtu si në 1991 edhe sot Rilindja e rilindur nën drejtimin e edi ramës, po tenton të bëjë zgjedhje fasadë.

Siaps tij në 1991 PPSH fitoi bindshëm pasi në zgjedhje u futën disa parti komuniste, si dhe dy parti opozitare të cilat në atë kohë kishin vetëm pak javë që ishin formuar dhe nuk kishin as kohë dhe as mundësi që të shpalosnin programin dhe të bënin fushatë.

Por ndryshe nga 1991, sot partitë e reja opozitare po krijohen me vetëdije të plotë, jo për të luftuar sistemin siç ndodhte 28 vite më parë, por për ta ndihmuar atë,.

Por të gjithë e dimë se sa të gjatë e pati jetën PPSh pas atyre zgjedhjeve fasadë.

Ja postimi i Manjanit:

Kujtesë:

Zgjedhjet e fundit fasadë që janë mbajtur në Shqipëri ishin ato të 31 marsit 1991.

Asokoh opozita politike (PD dhe PR) sapo ishte krijuar dhe pjesmarrja në zgjedhje rezultoi e pamjaftueshme për të ndërtuar një parlament pluralist.

Në ato zgjedhje Partia e Punës konkurroi me organizatat “levë” të saj. Situatë shumë e ngjashme me zgjedhjet lokale që do të bëjë Rilindja më 30 qershor.

Ja kush ishin pjesëmarrësit në zgjedhjet e ‘91:

1. PPSH- Partia e Punës e Shqipërisë, ose partia Komuniste që më vonë u bë Partia Socialiste.
2. BPSH- Bashkimet Profesionale të Shqipërisë. Një organizatë levë e PPSH që kryente detyra sindikaliste vetëm në parakalimet e 1 Majit dhe ndante fletë kampi.
3. BR- Bashkimi i Rinisë, organizatë levë e PPSH që kontrollonte rininë shqiptare për llogari të partisë.
4. KV- Komiteti i Veteranëve. Edhe kjo një organizatë levë e PPSH që “kujdesej” për veteranët dhe familjet e dëshmorëve në emër të partisë. Ndonjë element të KV mund ta ndeshësh sot duke mbajtur ndonjë fjalim nëpër varreza.
5. FD- Fronti Demokratik, organizatë famëkeqe levë e PPSH, që kontrollonte çdo sjellje të njerëzve në lagje.
6. BG- Bashkimi i Grave, ishte organizata e gruas së PPSH.
7. PDSH- Partia Demokratike e njohur në dhjetor 1990. Pra vetëm me tre muaj jetë politike
8. PR- Partia Republikane, e krijuar vetëm 1.5 muaj para zgjedhjeve.
9. PE- Partia Ekologjike e krijuar nga eksponentë të Partisë së Punës.
10. PA- Partia Agrare, edhe kjo e krijuar fët e fët para zgjedhjeve.
11. OMONIA- organizatë politike e minoritetit Grek.
12. Kandidatë të Pavarur

Ja, këto konkuruan në ato zgjedhje dhe PPSh fitoi 80% të vendeve në Parlament.

Të njëjtat zgjedhje do të Rilindë sot qeveria dhe Parlamenti MONIST!