Një avokat i njohur në Greqi është arrestuar sot, pasi dyshohet se është pjesë e një grupi kriminal. Sipas mediave greke mësohet se mafia ishte e stacionuar në burgun famëkeq të Kordhalos në Athinë dhe njihej me emrin e burgut.
Avokati i njohur kriminal Alexander Lykourezos, u arrestua pas një urdhër-arresti të lëshuar ndaj tij nën akuzën për përfshirje në një organizatë kriminale dhe tentativë grabitjeje.
Mediat greke kanë zbardhur edhe përgjimet telefonike mes “Mafies së burgut të Koridhallos” me një tjetër person, që dyshohet të jetë avokati. Gjatë telefonatës, ‘mafia i burgut’, i cili dyshohet se është shqiptar pranoi se kishte vrarë avokatin Zafiropoulos. Gjithashtu shqiptari pranoi se kishte marrë pjesë në vrasje me një pagesë prej 7000 eurosh. Tani që i burgosuri i kërkon 60.000 ose do të ketë të njëjtin fat si avokati.
Biseda telefonike:
Mafia: Po, Tsovolas ishte gangsteri kryesor
Avokati: Kush?
Mafia: Dimitris Tsovollas e bëri atë për mua.
Avokati: Pse?
Mafia: Shtatë mijë dollarë dhe kërkova paratë. Tani dua shtatëdhjetë, ndryshe do të kesh të njëjtin fat si ai avokati edhe ti.
Burgu i Koridhalos është burgu më i njohur në Greqi, ku janë vrarë dhe shumë shqiptarë. I fundit që është vrarë në këtë burg është Albert Bako.
