Një ngjarje e rëndë është shënuar mbrëmjen e sotme gjatë protestës së banorëve të unazës së re. Një makinë me targa të huaja është ngjitur në trotuar dhe tentuar të shtypë gratë dhe fëmijët të cilët janë tmerruar nga ky veprim i paprecedentë. Tre herë është përsëritur kjo situatë vetëm gjatë kësaj mbrëmjeje.
Pamjet e filmuara nga operatori i Shijak Televizion tregojnë të gjithë ngjarjen e ndodhur. Gazetarja Fjona Çela raporton nga vendngjarja se banorët janë të tronditur nga kjo skenë, nga kërcënim i përsëritur tashmë në shumë forma.
Pavarësisht gjithçkaje që po ndodh e ka ndodhur në të shkuarën banorët e Unazës së Re shprehen të vendosur të mos ndalin protestën dhe qëndresën e tyre. Pasi u shembën shtëpitë në zonën e Bregut të Lumit për shkak të zgjatimit të Bulevardit të Ri tensioni dhe revolta e këtyre banorëve është rritur ndjeshëm.
