Skënderbeu kërkon pikët maksimale në transfertën e Laçit. Trajneri Orges Shehi thekson se skuadra e tij me këtë ide në kokë është përgatitur gjatë gjithë javës. “Po punojmë për të fituar në Laç dhe kur shkon drejt seancave të fundit ke shumë pak për të bërë. Me këtë motiv kemi punuar gjatë gjithë javës. Janë edhe pak ndeshje. Shpresoj të jemi aty ku e lamë ndeshjen e fundit me Kastriotin”, u shpreh Shehi në RTSH Sport.
Më pas ai shtoi: “Me Laçin është një ndeshje e vështirë, si çdo ndeshjetjetër e këtij kampionati. Gara bëhet më e fortë nga java në javë, pasi të gjitha skuadrat kanë objektiva. Jemi të sigurt që od jetë një transfertë e vështirë”.
Skënderbeu do të ketë dy mungesa në ndeshjen e nesërme dhe sigurisht që planet e Shehit janë prishur disi. “Kemi Muzakën të dëmtuar, ka një frakturë në hundë që e detyroi të dilte nga loja kundër Kastriotit. Do na mungojë shumë Muzaka. Taipi vazhdon ende periudhën riaftësimit. Sa i takon formacionit, do ta shikoni nesër”.
