Një aksident rrugor me disa persona të plagosur ka ndodhur këtë pasdite në “Rrugën e Kombit”. Nga të dhënat parapake, bëhet me dije se 5 persona kanë mbetur të plagosur, 2 prej të cilëve në gjendje të rëndë shëndetësore.
Mësohet se dy automjete tip “fuoristrada” janë përplasur me njëra-tjetrën. Dyshohet se shkak për aksidentit është bërë parakalimi i gabuar i njërit prej mjeteve. Të plagosurit janë nisur për në spitalin Ushtarak në Tiranë, për ndihmë më të specializuar.
“Në autostradën Milot-Rreshen në afërsi të Urës me Harqe, mjeti me drejtues shtetasin K.M., 29 vjeç, banues në Tiranë është përplasur me mjetin me drejtues shtetasin A.N. 37 vjeç, banues në Burrel. Në të dy mjetet ndodheshin si pasagjerë shtetasit A.M., 25 vjeç, banues në Tiranë, N.K., 19 vjeç, banues në Kurbin si dhe A.N.,32 vjeçe, banuese në Tiranë. Si pasojë e përplasjes kanë marrë dëmtime dhe janë transportuar në spitalin e Traumës në Tiranë ku ndodhen nën kujdesin mjekësor. Grupi hetimor vazhdon veprimet në vendngjarje për sqarimin e rrethanave të aksidentit”, njoftoi Policia.
/bn/
