Kur bëhet fjalë për sipërmarrjet private, rastet e suksesshmë në çdo fushë janë të padiskutueshme. Edhe pse në vendin tonë alternativat që ofron sistemi shëndetësor shtetror nuk premton shumë, nuk ndodh njësoj me spitalet private, të cilët mes shumë sfidash kanë arritur të krijojnë një imazh pozitiv dhe konkurues edhe me spitalet në vendet e huaja.
Gjatë viteve të fundit është shënuar një trend në rritje i turizmit shëndetësor, gjë që ka sjellë rrjedhimisht edhe një numër më të lartë të të huajve që për arsye të ndryshme shëndetësore zgjedhin të kurohen dhe trajtohen në vendin tonë.
Komplikacionet dhe ndërhyrjet më të shpeshta që trajtohen në vendin tonë janë ato dentare, dermatologjike dhe ortopedike. Një rast i fundit është shënuar në spitaln privat Hygea, ku pacientja nga Berlini zgjodhi Shqipërinë për të trajtuar rastin e saj.
Sipas stafit mjeksor të këtij spitali, pacientja u diagnostifikua me frakturë maleolite laterale në këmbën e djathtë. Ajo është operuar për frakturën në muajin shkurt të vitit 2018 dhe është rikthyer në sërish në spitlain Hygea për të vazhduar me trajtimin pas operacionit. Edhe pse kishte mundësi të zgjidhte mes vendeve dhe alternativave të tjera qoftë edhe në vendin e saj, pacientja u paraqit sërish në Shqipëri për të kryer pjesën tjetër të procedurës, që është ajo e heqjes së materialit të sintezës.
Kontrolli i detajuar pas operacionit dhe akomodimi i rehatshëm duke plotësuar të gjitha kushtet e parashikuara nga ana e spitalve private në Shqipëri është padyshim një nga investimet më të suksesshme që janë kryer në vendin tonë sa i përket sistemit shëndetësor duke dhënë një imazh më të mirë të bluzave të bardha. /Boldnews.al/
