Një lajm i papritur vjen nga mediat italiane. Cristiano Ronaldo po mendon largimin nga Juventus edhe pse ka kontratë deri në vitin 2022.
Eleminimi i bardhezinjëve në fazën çerek-finale të Champions League, ka bërë që situata në kampin bardhezi të komplikohet. Triumifi në Champions ishte objektivi kryesor për këtë sezon dhe për këtë klubi investoi duke afruar Cristiano Ronaldon.
Ylli portugez dështoi të kualifikohej në gjysmëfinalet e Champions për herë të parë në 9 vjet dhe tashmë po mendon largimin. Sezoni i ardhshëm mund të jetë i fundit për Ronaldon me fanellën e Juventusit.
Ronaldo ka mbetur i pakënaqur pas ndeshjes me Ajaksin, teksa ai e kreu detyrën e tij duke realizuar dy gola në dy ndeshjet e fundit por skuadra nuk arriti t’i përgjigjej në të njëjtën mënyrë duke e lënë të vetmuar.
Një fakt ky që u vërtetua edhe nga mamaja e Kristianos, teksa deklaroi se pas ndeshjes 34-vjeçari ishte shprehur se i vetëm nuk mund të bëjë mrekulli. Mesa duket, Ronaldo do të provojë edhe sezonin e ardhshëm por portugezi duket gjithnjë e më i bindur për të mos e respektuar deri në përfundim kontratën.
