Replika mes Sandër Lleshajt dhe deputetit Mylym Murrizi gjatë interpelancës me ministrin e Brendshëm, lidhur me grabitjen e 9 Prillit në Rinas. Murrizi u shpreh se komisariati i Rinasit ndodhet në gjendje të mjerueshme.
Gjatë përgjigjes së tij, Lleshaj e pranoi një fakt të tillë dhe u justifikua duke thënë se investimet në polici nuk kanë qenë prioritet i qeverisë.
“Ka komisariate më keq se Rinasi, se këto janë mundësitë. Shqipëria është fokusuar në sektorë të tjerë. Komisariati i Rinasit është rikontruktuar pas marrëveshjes me koncesionarin”, tha Lleshaj.
Në kundërpërgjigjen e tij, deputeti Murrizi hodhi akuza ndaj qeverisë, duke u ndaluar te koncesionet dhe mbjellja e hashashit.
“S’ka qenë prioritet rregullimi i komisariateve normale, se patët prioritet tjetër, mbjelljen e hashashit. Keni qenë këshilltar i kryeministrit dhe s’keni folur asnjë fjalë për këtë. Para se të jepni 20 mln euro te unaza rregulloni komisariatet. /bn/
