Seanca e sotme plenare nisi me interpelancën që kishte kërkuar “opozita e re” me Ministrin e Brendshëm Sandë Lleshaj, lidhur me grabitjen në Rinas, pasditen e 9 Prillit.
Deputeti Ralf Gjoni lexoi një sërë pyetjesh ndaj ministrit të Brendshëm Sandër Lleshaj, që synonin të hidhnin dritë lidhur me ngjarjen. Në fund të fjalës së tij, Gjoni pyeti ministrin: “Do jeni i gatshëm të jepni dorëheqjen nëse ngjarja nuk zbardhet dhe autorët nuk arrestohet?
Në përgjigjen e tij, Lleshaj tha se grabitja “Nuk është një ngjarje apokaliptike, apo shkatërrim i sigurim kombëtare”. “Siguria s’mund të cënohet nga një grup prej 5 vetash”, tha ai.
Më tej, ministri foli se si ndodhi ngjarja duke dhënë detaje mbi grabitjen dhe duke hedhur akuza ndaj koncesionarit të sigurisë në Rinas. “5 persona të armatosur janë futur në aeroport me një furgon dhe pas grabitjes janë larguar në drejtim të Tapizës. Ngjarja është seri e dështimit të disa hallkave. Kompania koncesionare ka njoftuar policinë 6 minuta më vonë nga ngjarja. TIA ka njoftuar 30 min pasi ka ndodhur ngjarja. Kontraktoi privat s’ka lejuar forcat e ndërhyrjes së shpejtë të hyjnë në aeroport për arsye se porta përkatëse s’është hapur dhe e ka kompania e sigurisë në aeroport”, tha Lleshaj, i cili përmendi edhe masat e mara nga policia lidhur me sigurinë në Rinas. “Me masat e mara siguria në Rinas është e garantuar”, shtoi.
Pyetjes nëse do të japë dorëheqjen nëse ngjarja nuk zbardhet, ministri Lleshaj nuk iu përgjigj. /Boldnews.al/
