Një efektiv policie është plagosur me kaçavidë mbrëmjen e djeshme rreth orës 19:30. Ngjarja ka ndodhur pranë parkut të vjetër të autobusëve.
Lajmi konfirmohet për News24 nga banorë të zonës, dëshmitarë në ngjarje, ndërsa policia ende nuk e ka konfirmuar si rast. Efektivi i identifikuar me emrin Alban është plagosur në krahun e majtë, ndërsa banonte pranë vendit ku ndodhi ngjarja.
Gjatë kohës që është goditur me kaçavidë efektivi ka tentuar të marrë pistoletën që kishte në çantë, por autorët ia kanë marrë duke ia drejtuar atij. Autorët e dyshuar kanë marrë me vete pistoletën e efektivit dhe janë larguar me shpejtësi. Paraprakisht konflikti dyshohet të ketë ndodhur për motive të dobëta, ndërsa ende nuk ka denoncim për rastin.
