Qeveria shqiptare ka vendosur të dhurojë një ndihmë monetare prej 100 mijë eurosh për rindërtimin e katedrales së ‘Notre Dame’, në Paris.
Zjarri i përmasave gjigande që përfshiu një ndër ndërtesat më të bukura në botë, ka shkatërruar thuajse cdo gjë. Deri më tani të shumtë kanë qenë biznesmenët dhe qeveritë që kanë deklaruar ndihmat e tyra qindra mijëra euroshe për rindërtimin e katedrales, që pas shpalljes së krijimit të fondit nga qeveria franceze.
Ajo që bie më shumë në sy në këtë vendim të qeverisë shqiptare, është gadishmëria dhe solidarizimi i menjëhershëm kundrejt fatkeqësisë së kryeqytetit francez, ndërkohë që fondet për pensionet, dëmshpërblimet apo edhe rikonstruksionet e momunenteve shqiptare nuk lëvrohen prej vitesh.
