Gazetajra Mira Kazhani, e cila u përfshi në një debat virtuale me gjithë ‘botën’ sa i përket aksidentit që bëri një javë më parë nga i cili mbeti i plagosur në gjendje të rënde, një adoleshten, ka shpërthyer sërish kundër mediave.
ka sulmuar së fundi JOQ-në, për shkak se kjo media ka publikuar së fundi një video të 17-vjeçarit Nertil Pëllumbi, i cili ndodhet në koma në Spitalin e Traumës. Në këtë video thuhej dhe se Pëllumbi ishte regjistruar në spital si 76-vjeçar, ndërsa familjarët akuzonin Kazhanin se ishte e dehur në timon.
Mirëpo publikimi i kësaj videoje dhe dëshmive të familjarëve, nuk i ka pëlqyer aspak Mira Kazhanit, e cila ka vendosur që të hedhë gjyq çdo media që shkruan kundër saj. Madje e indinjuar thotë se përballë saj është vendosur një ushtri me burra.
“Por ja ku më keni. Për ata që bien pre e maskarenjve online dhe mesazheve të gatshme që dalin nga shtypi ju them: Deklaratat e familjarëve po sajohen. Ata i keni në spital dhe shkoni t’i takoni e nxirrini me zë, se me llafe nga pronarët tuaj dhe thirrje llumit online, unë nuk fitoj dot”, shkruan Kazhani.
“Do iu hedh në gjyq e do i shkoj në fund”, shkruan më tej gazetarja.
Një prej denoncuesve më të zelltë të kësaj ngjarjeje, është dhe ish-kryeministri Sali Berisha, i cili thotë se gazetarja është ndihmuar nga Policia për të fshehur ngjarjen.
