Është hedhur në votim në parlamentin holandes rikthimi i vizave për Shqipërinë në Bashkimin Europian, me motivacionin që mafia shqiptare është fuqizuar dhe ka mundësi që të lëvizë më lirshëm.
Parlamenti i Holandës ka votuar pro për ta dërguar kërkesën në Bruksel, në Bashkimin Europian.
Këshilli i minstrave të BE-së duhet të mblidhet dhe të marrë në shqyrtim kërkesën e Holandës.
Në rast se edhe Këshilli e mbështet, vendimin ia përciell Parlamentit Europian.
Nëse edhe Parlamenti Europian e miraton i dërgohet parlamenteve të vendeve anëtare të BE-së dhe të gjitha duhet ta ratifikojnë që të rikthehen vizat.
Ky votim ishte kërkuar nga 5 parti (VVD, CDA, PVV, SP, CU) të cilat në total kanë 92 deputet, nga 150 në total. /A.P/Boldnews.al/
