Një premtim i pamatur i kryebashkiakut të Tiranës Erion Veliaj është denoncuar nga faqja në Facebook “Qytetarët Për Parkun”.
“Si na vjedh €rioni”, titullohet denoncimi me foto i “Qytetarët Për Parkun”, ku tregohet sesi Veliaj mashtroi për parkimet, banorët e zonës në rrugën “Faik Konica”.
“Rruga Faik Konica, që lidh stadiumin Qemal Stafa me Fakultetin e Histori-Filologjisë, u rikonstruktua para disa muajsh me bujë të madhe, edhe për shkak të gurëve të përdorur. €rion Veliaj po ashtu deklaroi se rruga i shtohej zonave ku do përdorej karta e rezidentit për parkim. As një vit më vonë, dhe rruga po përdoret nga makinat e tonazhit të rëndë teksa disa kulla të tjera po ndërtohen rreth e përqark. Si të mos mjaftonte kjo, parkimi për rezidentët është hequr tërësisht duke i lënë pa asnjë mundësi parkimi apo aksesi pranë banesave të tyre. E gjitha kjo, pasi për €rionin ndërtuesit janë gjithmonë të parët”, thuhet në denoncimin e shoqëruar nga fotografi.
Në foto, duken automjete të banorëve rezidentë, në xhamat e së cilave janë vendosur gjobat e bashkisë për parkim të gabuar. /bn/
