Pas dorëheqjes së Teuta Rrjollit e cila mbante postin e Drejtoreshës së Spitalit të Shkodrës, në vend të saj është emëruar Ardian Dajti.
Ai është prezantuar këtë mëngjes nga zv ministrja e Shëndetësisë dhe Drejtori i Shëndetit Publik në Shkodër, Astrit Beci.
Ardian Dajti është një kirurg i njohur në Spitalin e Shkodrës pasi ka kontribuar prej tre dekadash dhe është i vetmi kirurg që mban gradë shkencore në këtë spital.
Teuta qëndroi në krye të spitalit të Shkodrës për të paktën 9 muaj. Në mbledhjen e fundit që bëri prefekti i ri i Qarkut Shkodër, Valdrin Pjetri u tregua mjaft kritik ndaj tyre.
