Gjysma e muajit prill ka kaluar dhe reshjet e shiut nuk i janë ndarë Shqipërisë, por deri në fund të muajit dielli do të vazhdojë ta kemi me kursim pasi ky muaj do të vazhdojë të jetë i lagësht.
Në një lidhje telefonike me News 24 sinoptikania Adiola Bani tha se reshjet do të vazhdojnë edhe për dy javët në vijim por me ndërprerje. Ndërsa sa i përket temperaturave do të ketë rritje, sipas Banit.
“Kjo javë pritet më e ngrohtë se ajo që lamë. Do të kemi reshje gjatë pasditeve duke nisur nga dita e sotme dhe e nesërme. E mërkura do të sjellë përmirësim gradual, por do të ketë reshje në zonat malore. Sa iu përket temperaturave do të kemi rritje në ditët në vijim, gjatë fundjavës do të shkojnë në 24-25 gradë celsius. Prilli pritet të mbyllet si një muaj i freskët dhe me lagështirë, në krahasim me marsin. Edhe ditët e fundit pritet të kemi sërish reshje”, – tha Bani.
