Ka qenë një javë e vështirë për prodhuesit e lulshtrydheve në Italinë jugore për shkak të disponueshmërisë së lartë të prodhimeve nga Spanja dhe vendet jashtë BE, përfshi dhe Shqipërinë-shkruan portali Fresh Plaza. Bazilika është rajoni kryesor prodhues dhe bujqësia është gurthemeli i ekonomisë së saj, kështu që ballafaqimi me periudha negative si kjo mund të ndikojë në të gjithë fushatën me pasoja për prodhuesit e ndryshëm.
FreshPlaza foli për këtë me sipërmarrësin Leonardo Scarnato, pronar i një kompanie në Scanzano Jonico (Matera). “Menaxhimi i mbi 12 hektarëve luleshtrydhe duke e ditur se situata komerciale është e ndërlikuar nuk është e lehtë, 90% e prodhimit tonë është e destinuar për zinxhirë me pakicë, ndërsa pjesa tjetër ofrohet për tregje të ndryshme ndërmjetëse në vend”.
“Shqipëria, Greqia, Maroku dhe sidomos Spanja po përmbytin tregjet italiane me luleshtrydhet e tyre, duke çuar në një rënie të çmimit të prodhimit vendas, i cili aktualisht mezi arrin 2euro / kg. Prodhimet e huaja shiten në pak 0.50 euro/ kg. ”
“Sakrificat që prodhuesit e ndryshëm bëjnë për të siguruar frutat që janë të shëndetshme dhe të vërteta zvogëlohen në mënyrë drastike me ardhjen në treg të luleshtrydheve të huaja.Ne respektojmë specifikimet e ndryshme të prodhimit dhe bëjmë sistematikisht analiza shumë-mbetjesh edhe në dyqane.”
“Ne kemi nevojë të merremi me importet nga vendet e tjera vit pas viti, por këtë vit duket se fenomeni është jashtë kontrollit. Kuptoj se mallrat duhet të qarkullojnë lirshëm, por prodhimi duhet të kontrollohet para se të arrijë në destinacione të ndryshme”.
“Blerësit na tregojnë se luleshtrydhet tona janë të shtrenjta dhe për këtë arsye nuk vlerësohen nga konsumatorët”
Çfarë mund të ndodhë në muajt e ardhshëm?Sipas tij situata mund të optimalizohet në vijim.
“Prilli dhe maji janë muajt më të ngarkuar për komercializimin e luleshtrydheve, sidomos në Italinë jugore. Vendet eksportuese kanë një mot më të ngrohtë se sa tonat, nëse luleshtrydhet e tyre arrijnë në tregjet tona herët, kjo do të thotë se sasitë e tyre do të përfundojnë së shpejti me rritjen e temperaturave. atëherë tregjet do të mbushen me produkte italiane dhe çmimet do të rriten “.
