Çdo ditë e më shumë po rritet dhuna në Francë ndërsa këtë herë është shënuar një tjetër incident ndaj gazetarëve. Pas reporterëve të RT dhe Ruptly, të cilët u sulmuan nga tifozët huliganë anglez, tashmë edhe dy gazetarë brazilian të TV stacionit ‘Bandeirantes’ janë rrahur nga fansat e Gjermanisë.
Sipas gazetës braziliane “Estado” incidenti ka ndodhur të etjen pasdite, në stacionin e trenit në Gare du Nord.
Një nga reporterët që ndodhet në Francë, Fernando de Henrique Oliveira ka thënë se kolegu i tij Sonia Blota është sulmuar nga tifozë të Gjermanisë, raporton ‘Goal’, shkruan Syri.net.
“Një grup prej 50 tifozësh huliganë erdhën në drejtim tonin dhe na ofenduan. Unë i kërkova atij që të mos e sulmonin Balotës, por nuk na dëgjuan dhe përsëri na goditën”, ka deklaruar reporteri.
