Replika mes ministres së Mbrojtjes Olta Xhaçka dhe zëdhënëses së Partisë Demokratike Ina Zhupa, lidhur me protestën e opozitës.
Ministrja sulmoi protestën. Ajo shprehu mirënjohje për efektivët e policisë së lënduar në protestë, megjithatë në reagimin e saj nuk thuhet asnjë fjalë për protestuesit apo punonjësit e medias të lënduar.
“Respekt dhe mirënjohje për efektivët që edhe sot u përballën me dhunën e politikes pa ide e pa vizion. Në krah të çdo prindi e bashkëshorti, në krah të çdo biri nëne, me apo pa uniformë, që u vu në mbrojtje të shtetit, dinjitetit, qetësisë publike e vlerave të demokracisë. Përshëndes të gjithë qytetarët, përfshirë ata me bindje të djathta, që u distancuan nga ky grup i vogël dhunuesish, qëllimi i vetëm i të cilëve është bllokimi i rrugës tashmë të pandalshme të të gjithë shqiptarëve drejt Europës. Shërim të shpejtë efektivë të lënduar! Mirënjohje e pafundme për policinë e shtetit”, shkruan Xhaçka.
Reagimi
Zëdhënësja e PD, Ina Zhupa i është përgjigjur ministres Olta Xhaçkes.
“Protestuesit e duan Shqiperine si Europa, ti Olta dhe shefi yt e doni Shqiperine si rinasi ku bashkevidhen 10 milion euro ne mes te dites duke cenuar sigurine kombetare. Ti dhe shefi yt keni siguruar me ‘arritjet’ tuaja qe Shqiperise te rrezikohen ti kthehen vizat”, shprehet Zhupa.
“Ne fakt ju e keni ne gen luften kunder Europes, NATO-s, vizave prandaj dhe po zhbeni cdo arritje te ketij vendi. Por nuk do arrini dot te ndalni valen qytetare, qe duan nje Shqiperi me standartet europiane dhe do e fitojne kete beteje me sakrifica dhe mund”, shton. /bn/
